„შემოიარე ლანჩხუთის ავტოგასამართ სადგურზე და მიიღე ქალაქის თემატიკის მაცივრის მაგნიტი“ – ლანჩხუთელებს სახალხო დღესასწაული „სოკარმა“ ფოთის ფოტოთი მიულოცა

დღეს დილით „სოკარმა“ ლანჩხუთის მოსახლეობას სახალხო ზეიმი ქალაქ ფოთის ფოტოთ მიულოცა.

„28 სექტემბერს ლანჩხუთში სახალხო დღესასწაული აღინიშნება. შემოიარე SOCAR-ის ლანჩხუთის ავტოგასამართ სადგურზე და მიიღე ქალაქის თემატიკის მაცივრის მაგნიტი“ _ აღნიშნულია SOCAR Georgia Petroleum-ის ფეისბუქ-გვერდზე და გამოქვეყნებულია ფოთის ფოტო.

მისალოცი სქრინშოტი SOCAR Georgia Petroleum-ის ფეისბუქ-გვერდიდან

„ლანჩხუთობა“ წელს მეორედ აღინიშნება. საზეიმო ღონისძიებებთან ერთად, მოეწყობა „სოფელი“, სადაც ადგილობრივი ნაწარმი გაიყიდება. დღეს, ასევე ქალაქის საპატიო მოქალაქეებს დაასახელებენ.