გურიის რეგიონის მოსახლეობისთვის დაწყებითი საფეხურის მოსწავლეებისთვის განკუთვნილი სასკოლო ფორმების შეძენა 2 ნოემბრიდან გახდება შესაძლებელი. ინფორმაციას „შპს საგანმანათლებლო რესურსები“ ავრცელებს.
მშობლებს შეუძლიათ ისარგებლონ როგორც ტრადიციული, ფიზიკური მაღაზიებით, ასევე თანამედროვე ელექტრონული პლატფორმით formebi.emis.ge.
ქვეყნის მასშტაბით სულ 83 სარეალიზაციო პუნქტი იფუნქციონირებს, რომლებიც მომხმარებლებს ორშაბათიდან შაბათის ჩათვლით, დილის 10:00 საათიდან საღამოს 18:00 საათამდე მოემსახურება. ეს უზრუნველყოფს ფორმების ხელმისაწვდომობას საქართველოს სხვადასხვა კუთხეში.
რაც შეეხება გურიის რეგიონს, აქ სამი ძირითადი სარეალიზაციო წერტილი იქნება ხელმისაწვდომი:
ლანჩხუთში: ა(ა)იპ კოლეჯი „ჰორიზონტი“, რომელიც ჟორდანიას ქუჩა №76-ის მიმდებარე ტერიტორიაზე მდებარეობს; ოზურგეთში: ასევე ა(ა)იპ კოლეჯი „ჰორიზონტი“, მისამართი: შოთა რუსთაველის ქუჩა №8 და ჩოხატაურში: ჩოხატაურის საგანმანათლებლო რესურსცენტრი, დუმბაძის ქუჩა №35.
