ლანჩხუთელი ოპოზიციონერი, „ნაციონალების“ ადგილობრივი ლიდერი კახა ასკურავა სოციალურ ქსელში წერს: „აი, რატომ იძახიან _ მიშა, მიშას… ეს ახსოვს ხალხს და ვისაც არ ახსოვს ან წაუკითხავს ან/და მოყოლით იციან. დღე არ გავიდოდა დღის წესრიგი თავად არ შეექნა ან პარტიული სტრუქტურის რომელიმე რგოლს არ ეაქტიურა… მიშა ვისაც არ გინდათ, წარმატების რეცეპტი მაინც მოპარეთ, მარა არც ეგ გინდათ თქვენ… 2003 წელს „ტუფლებზე“ რომ დავხედე, ვიფიქრე _ ამან რა უნდა ქნას, მისთვის ფეხსაცმელი ვერ უყიდია-თქო… ეს ყველაფერი ზუსტად იცის FSB-მ და მისმა გამგრძელებლებმა უკვე ე.წ ხელისუფლებაში და იმიტომაც იძახიან 20/30-ს“ [სრულად სტატია – „ყველას რაღაც გარკვეული აქვს… დამისახელეთ ოპოლიდერი, რომელიც ისე ცხოვრობს, როგორც ამ ქვეყნის რიგითი მოქალაქე“ – წაიკითხეთ ბმულზე: https://shorturl.at/MFYBT]
მის განცხადებას „გურია თუდეის“ ფეისბუქ-გვერდზე ახლა განსხვავებულ პოზიციაზე მყოფი ყოფილი თანამებრძოლები გამოეხმაურნენ.
მამუკა ჭყონია, რომელიც საუკუნის დასაწყისში მიხეილ სააკაშვილის პოლიტიკურ მოძრაობას უჭერდა მხარს, წერს:„2003-ში კახაზე მეტად ხშირად ვხდებოდი მიშას და არ მახსოვს ძველი ან დახეული ცმოდა რამე, შეიძლება ჩაეცვა ძველი ხალხის დასანახად პიარისთვის, მაგრამ მე არ მინახავს, კაი ათჯერ მაინც ვარ შენახვედრი, ცხვარიჭამიაში ყოველდღე ერთად ვიყავით 15 დღე. მეტროში კი დადიოდა და სხვა ადგილებში საპიაროდ. ახლა ყველას ტელეფონი უდევს ჯიბეში და ვერავის დააბოლებენ ტყუილებით და ფეიკი პიარებით, თბილისის საკრებულოს თავჯდომარე იყო მაშინ და რატომ იქნებოდა ღარიბულად ჩაცმული?“
ასევე „ნაციონალების“ ლიდერის ხელისუფლებაში მოსვლის წინა პერდიოდში მისი მხარდამჭერი იყო საკრებულოს წევრი ელისო ჭიჭინაძე, რომელიც ახლა ოპოზიციონერ კოლეგას პასუხობს: „კახა ასკურავა, რატომ დამბლოკე, მაინც არ ვიცი… შენი დემოკრატიულობა და სხვისი აზრის გამოხატვის თავისუფლების პატივისცემა ესაა? ამ პოსტის პასუხად გეტყვი. დიახ, ბევრმა მოირგო ძველი მთავრობის სიკეთეეები და ბევრი დღესაც „ირგებს“. ყველა ერთ ტაფაში არ „შეიწვება“… თუმცა, დრო ყველაფერს მის სახელს დაარქმევს… ისევე როგორც, მიშას შემთხვევაში… 2003 წელს მეც მის მომხრეთა რიგებში ვიყავი, ხშირად ვხვდებოდი შეხვედრებზე და შენ რომ გული „აგვიჩუყე“, ისეთი ჩაცმულიც არ მახსენდება“.
თუ რატომ დაბლოკა ასკურავამ ჭიჭინაძე, თავის მოზარება მათმა კოლეგამ, გოჩა ჯანაშიამ გამოთქვა _ ამასწინათ, „გურია თუდეის“ ფეისბუქ-გვერდზე შენთვის უცნობ პირს რომ დაუდასტურე, ეგ ისაა, ტრაქტორის მუშაობა რომ არ გაუხარდაო.
ამაზე ელისო ჭიჭინაძემ დაწერა _ იქამდე დამბლოკა და რა, გაუხარდა, ტრაქტორი რომ მუშაობდაო? იქვე დაამატა _ შემ რატომ ნერვიულობ, მე და კახა მოვრიგდებითო.
საუბარია სკანდალურ ვიდეოზე, რომელიც „გურია თუდეიმაც“ გაავრცელა _ დიდთოვლობის დროს კადრში ისმის ტრაქტორის და კახა ასკურავას ხმა, ოპოზიციონერი ამბობს, რომ „მუშაობს და არ გვაწყობს, ხოო?“. ეს ვიდეო ოპოზიციონერებს „ლაივში“ გაეპარათ.
2002 წ. მიხეილ სააკაშვილი ლანჩხუთის ე.წ. „პატარა ბაზარში“ | ფოტო: ჯეირან ნაკაშიძე
ამაზე თავისი ვერსია აქვს ასკურავას თანაპარტიელ ირმა მგელაძეს, რომელმაც ელისო ჭიჭინაძეს უპასუხა: „კახას რატომ არ უნდა აწყობდეს ან აწყობდეს ტრაქტორი მიშაობდა თუ არა? რომ ემუშავა, კარგად გაწმენდდა და არ იქნებოდა ზარალი ხო? და ზარალით ვინ სარგებლობს, ჩემზე კარგად იცით თქვენ და გაეშვი ახლა მაგ პატიოსან კაცს, ბიუჯეტიდან ფულებს ქაფავსო, მაინც ვერავინ იტყვის კახაზე და თანამდებობებიც და ოჯახიც კარგი ჰქონდა, იცი შენ. ასე რომ ლოგიკა ჩართე და ნახავ, სინამდვილეში ვის უხაროდა, ვინ დააცხრება შენი კოლეგებიდან იმ თანხას რომელსაც თქვენი მთავრობა გამოყოფს“.
რაც შეეხება მიხეილ სააკაშვილის ლანჩხუთში ვიზიტებს, მის ფეხსაცმელზე ჩვენ ის სახუმარო ამბავი გვახსენდება, 2002 წელს, მაშინდელ ე.წ. პატარა ბაზარში შესულმა გამყიდველის ხათრით თუ საპიაროდ აშკარად პატარა ჩუსტები რომ იყიდა და ლანჩხუთის #1-მა ფოტორეპორტიორმა, ჯეირან ნაკაშიძემ უმალ „ჩააკარტოჩკა“.
მაშინ ერთმა ენაკვიმატმა გურულმა სააკაშვილს უთხრა _ მაგ ჩუსტივით პოლიტიკაშიც არ ჩაგივა ფეხიო, რაზეც ოპოციონერმა მამათში უკვე ნათქვამი გაუმეორა _ შევარდნაძეს დავამარცხებ მამათშიც, ლანჩხუთშიც და სრულიად საქართველოშიო. ეს ფრაზა მან პირველად მაშინ თქვა, როცა მაშინდელი პრეზიდენტის, ედურდ შევარდნაძის თანასოფლელმა შალვა კილაძემ ოპოზიციის ლიდერს ხმალი აჩუქა _ შევარდნაძეს თავი მოაჭერიო.
