დღეს, „გურიამ“ ძველ-ახალი მწვრთნელის, თემურ ლორიას თავკაცობით ახალი სეზონის პირველი შეხვედრა გამართა და ფოთის „კოლხეთის“ მეორე გუნდს უგულო ფრე ეთამაშა.

ლანჩხუთის კლუბი რამდენიმე დღის შეკრებილია და მწვრთნელები იძულებული არიან, საწყისი მატჩები მოსამზადებლადაც გამოიყენონ. მორიგ შეხვედრას გუნდი 9 აპრილს ხაშურში, იქაურ „ივერიასთან“ გამართავს. მატჩი საღამოს 8 საათზე დაიწყება და ხელოვნური განათების ქვეშ ჩატარდება.

2 აპრილი 2025 | ლანჩხუთი, ევგ. შევარდნაძე | გურია 0:0 კოლხეთი-1913-2 | გურია: ხოფერია, ხაჭაპურიძე, ვარდიაშვილი, ჯღამაია, შანიძე, ზაქარაშვილი, შარვაძე (64. შალიკაშვილი), გოგიჩაიშვილი, სულაძე, შარაშენიძე, წილოსანი (76. კერხანოჩიევი)