ლანჩხუთელი ოპოზიციონერი, „ნაციონალების“ ადგილობრივი ლიდერი კახა ასკურავა თბილისში 31 მარტს გამართულ ანტისამთავრობო აქციას ეხმაურება, სადაც აზრთა სხვადასხვაობა გამოიწვია დემონსტრანტებს შორის ყოფილი პრეზიდენტის, მიხეილ სააკაშვილის მხარდამჭერი ბანერების გამოფენამ.
„დამისახელეთ ოპოლიდერი, ვინც ცხოვრობს ისე, როგორც ცხოვრობს მისი მეზობელი, მისი ახლობელი, ამ ქვეყნის რიგითი მოქალაქე და ა.შ?! იწყებს და ასრულებს დღეს მათან ერთად? ყოველდღე ქმნის დღის წესრიგს ამ ხალხთან ერთად?! ბოლოს როდის შეგხვდათ რომელიმე მაგალითად მეტროში, სადაც დღის განმავლობაში მილიონზე მეტი მოქალაქე გადაადგილდება?! ან/და ბოლოს რომელი ოპოლიდერი ნახეთ ბათუმის ყოველდღიურ პროტესტზე ან ქუთაისის, ან ზუგდიდის?! რომელი ოპოლიდერი მივიდა ბოლოს, რომელიმე მუნიციპალიტეტის საკრებულოს სხდომაზე და ადგილობრივ ხელისუფლებას უთხრა სათქმელი,მერე გავიდა და მოიარა სოფლები?!“ _ წერს სოციალურ ქსელში ლანჩხუთის საკრებულოს წევრი „ნაციონალური მოძრაობიდან“ კახა ასკურავა.
მისივე თქმით, „ყველას რაღაც გარკვეული აქვს“: „არმინდა გავაგრძელო ეს ჩამონათვალი თორემ ვიცი ბოლოს შეურაცყოფებში გადავალ… აი, რატომ იძახიან _ მიშა, მიშას… ეს ახსოვს ხალხს და ვისაც არ ახსოვს ან წაუკითხავს ან/და მოყოლით იციან. დღე არ გავიდოდა დღის წესრიგი თავად არ შეექნა ან პარტიული სტრუქტურის რომელიმე რგოლს არ ეაქტიურა… მიშა ვისაც არ გინდათ, წარმატების რეცეპტი მაინც მოპარეთ, მარა არც ეგ გინდათ თქვენ… ყველას რაღაც გაქვთ გარკვეული, ზოგს ე.წ ხელისუფლებასთან ერთად და ზოგსაც – დამოუკიდებლად. მიშას 2003 წელს „ტუფლებზე“ რომ დავხედე, ვიფიქრე ამან რა უნდა ქნას მისთვის ფეხსაცმელი ვერ უყიდია-თქო… ეს ყველაფერი ზუსტად იცის FCB-მ და მისმა გამგრძელებლებმა უკვე ე.წ ხელისუფლებაში და იმიტომაც იძახიან 20/30-ს“ _ წერს ლანჩხუთელი ოპოზიციონერი.
