ლანჩხუთელი ოპოზიციონერი ლელა ჩახვაძე სოციალური ქსელით ულოცავს დაბადების დღეს ჯამბულათ ხოფერიას, რომელიც სამი ათეული წლის წინ, საქართველოს ერთიანობისთვის ბრძოლას შეეწირა.
„დღეს შენი დღეა, ჯამბულათ,55 წელს გილოცავ იმიერში.
გამონაკლისია ჩემს ცხოვრებაში, ვერ მოვალ, ვერ მოგიტან ყვავილებს, მადლობას აქედან გეტყვი გმირობისთვის, იმ სითბოსა და სიყვარულისთვის, რაც დღემდე მაქვს შენგან.
ამიერიდან ვერ დაგაშორებ შენს სისხლს და ხორცს, ჩვენს ჯაჯის, ყოველთვის ერთად გაგიხსენებთ.
ვალმოხდილი და პირნათელი მოვიდა შენთან, შვილების თაობის გადასახლება იმიერში სულ სხვა სიმწარე ყოფილა.
გეფერები, ჩემო ჯაჯი და მადლობა, ლომგულა ბიჭო!“ _ წერს ლანჩხუთის საკრებულოს ყოფილი წევრი, რომელიც ამჟამად საფრანგეთში ემიგრაციაში იმყოფება.
ცნობისთვის, ჯამბულათ ხოფერია უფროსი 1993 წელს აფხაზეთში დაიღუპა, ხოლო მისი ძმისშვილი _ უმცროსი ჯამბულათი 2022 წლის დეკემბერში. ბიძა-ძმისშვილი რუს აგრესორებთან ბრძოლას შეეწირა. უკრაინაში იბრძვის ოკუპანტების წინააღმდეგ უფროსი ჯამბულათის ძმა და უმცროსის მამა _ არჩილ ხოფერიაც.
